И покрај несреќата нема да запрат летовите на рускиот авион „ Сухој суперџет-100 “
Објавено во: Свет 07 Мај, 2019
Русија нема да ги запре летовите со авионите „Сухој суперџет-100“ по несреќата на московскиот аеродром во Шереметјево. Авионите од овој модел се од руско производство и истите ќе продолжат да превезуваат патници низ земјава и светот, истакнал рускиот министер за транспорт, Јевгениј Дитрих.
Истрагата за несреќата која се случи во неделата сеуште трае, пренесуваат европските медиуми.
При инцидентот,
авионот се запалил по принудно слетување, а во несреќата 41 лице го загубија животот. Жртвите веќе се идентификувани, а шестмина
остануваат во болница во тешка состојба, пренесуваат медиумите.
Властите ги испитуваат причините, а меѓу главните
верзии се технички проблем, човечка грешка и лошото време.
Последниот инцидент најверојатно ќе влијае и на продажбата на моделот „Сухој Супердат 100“. Руската авиокомпанија „Јама“ веќе објави дека укинува нарачка на 10 авиони од овој модел.
Фото Youtube