Добивај вести на Viber
Шведскиот производител на мебел IKEA до крајот на 2013-та година ќе отвори свое претставништво во Србија, додека германскиот трговски ланец Lidl на српскиот пазар се очекува во почетокот на 2014 година, изјавил денеска министерот за трговија Расим Љаиќ.
-Верувам дека IKEA до крајот на следната година ќе ја отвори својата стоковна куќа овде во Белград, рекол Љаиќ.
Тој истакнал дека Lidl во Србија купил шест објекти, а потрбни му се уште девет, поради што преговараат и со други градови во земјата. Тој најавил и измени во законот за трговија кои во Собранието на Србија треба да се најдат во јануари или февруари наредната година.