ИМА ЖРТВИ: Грчки танкер се судри со турски рибарски брод
Објавено во: Балкан 11 Ноември, 2020
Грчки танкер кој пренесувал нафта се судрил со турски рибарски брод во источниот Медитеран, при што има и жртви.
Турските медиуми објавиле дека пет лица загинале.Превртениот рибарски брод го пронашле рибари.
Причините за несреќата, што се случила на 15 наутички милји од брегот, засега се непознати.
Грчката новинска агенција АНА-МПА, пишува дека танкерот што пловел под грчко знаме е со 27 членови на екипажот, од кои 13 се Грци.