Избришани 10.000 лажни профили-ботови на Твитер

Добивај вести на Viber

Од социјалната мрежа Твитер се избришани над 10.000 лажни профили, од кои автоматски биле праќани пораки со повици за бојкот на изборите за американскиот Конгрес, што ќе се одржат во вторник.

„Отстранивме низа профили поради тоа што се обидуваа на автоматизиран начин да шират дезинформации, што претставува провреда на нашите насоки за работа“, потврди потпаролот на Твитер за Ројтерс.

Преку лажните профили биле објавувани информации кои требало да ги спречат избирачите да излезат на изборите за Конгресот што ќе се одржат во вторник, на 6 ноември.

Изборите за Конгресот се најдобра шанса за американските демократи да извршат влијаат врз однесувањето на администрацијата на Трамп пред следните претседателски избори кои се одржуват за две години, пишува Дојче Веле. Изборите кои се одржуваат на средина на претседателскиот мандат ќе покажат и колкава е  популарноста на претседателот изјави за Дојче Веле, Тревор Трел од Универзитетот Џорџ Мејсон.

Демократите мораат да освојат 23 мандати за да добијат мнозинство во Претставничкиот дом.

Американскиот претседател, во обид да привлече што поголем број на избирачи да гласаат за кандидати од Републиканската партија ја засили антимиграционата реторика и упати закани кон мигрантскиот караван кој од Средна Америка иде кон САД, додека Пентагон се подготвува да распореди илјади војници долж границата со Мексико.