Кој му е крив на Трамп за поразот во првата претседателска дебата?

Добивај вести на Viber

Доналд Трамп ги обвини пребарувачот Гугл и водителот на ТВ дебатата со Хилари Клинтон, за своето лошо претставување во понеделникот.

Веднаш по првиот предизборен дуел, анкета на Си-Ен-Ен покажа само 27% поддршка за кандидат-претседателот на републиканците против 62% за Клинтон. На митингот во државата Висконсин, милијардерот најави дека американскиот пребарувач е во сојуз со кампот на Хилари и го манипулирал во нејзина корист уредувањето на резултатите од пребарувањето. Гугл ги „враќа назад“ негативните наслови за кандидатката на демократите, а ги вади напред позитивните. 

Изворот на ова тврдење е блиско до руската агенција „Спутник“, блиска до Кремљ, која објави такво соопштение недела пред дебатата, пренесе Си-Ен-Ен. Трамп го обвини и водителот на ТВ дебатата, Лестер Холт дека работел за Хилари и против него. 

- Тој беше многу поостар со мене отколку со г-ѓа Клинтон, рече тој во интервју за Фокс ТВ. 

Во меѓувреме Форбс го процени личното богатство на кандидатот на републиканците за Белата куќа и утврди дека тоа се „стопило“ за 800 милиони долари од 2015 година. Според списанието, статусот на магнатот, акумулирано главно од бизнисот со недвижности, изнесува 3,7 милијарди долари. Загубата се должи главно на падот на пазарот на недвижности во Њујорк. 

На дебатата во понеделникот Трамп рече: „Јас имам огромен приход ... Време е оваа земја да ја управува некој кој се разбира со парите“. 

Нова анкета на ТВ Ен-Би-Си покажа дека 27 отсто од жените во САД имаат негативно мислење за Доналд Трамп по дебатата, а 30% изјавиле дека ги имаат подобрено своите впечатоци за Хилари Клинтон.