Мицкоски: Нема трампа за законот за јазици и ослободување на притворените
Објавено во: Македонија 01 Март, 2018
Претседателот на ВМРО-ДПМНЕ Христијан Мицкоски ги негира тврдењата дека опозицијата се договорила со власта да го поддржи новиот Закон за употреба на јазиците во размена за ослободување на притворените и осомничените за настаните од 27 април познати како „Крвавиот четврток“.
– Оваа шпекулација ја слушам од вас. Апсолутно нема такво нешто, ниту некој зборувал за тоа. Се разбира дека мораме да ја релаксираме политичката атмосфера во државата и опозицијата треба да биде дел од тоа, но, како што велат и претставниците од меѓународната заедница, најодговорна за овозможување демократски амбиент е Владата – рече Мицкоски пред новинарите.
ВМРО-ДПМНЕ и натаму останува на ставот дека осомничените не се терористи и дека тие се неправедно осомничени во еден политичи монтиран процес за вршење притисок врз опозицијата.