Неизвесно дали Асанж ќе биде екстрадиран во САД
Објавено во: Свет 02 Мај, 2019
Од затворот Белмарш во Лондон, каде што беше затворен откако беше осуден на 50-месечна затворска казна, основачот на Викиликс, Џулијан Асанж, денес му рече на судот во Лондон дека не сака да биде екстрадиран во САД каде што се бара за еден од најголемите протекувања на класифицирани информации во историјата.
Судот одлучи да го одложи отворањето на случајот за хакерот на 30-ти мај. Пообемно сослушување е закажано за 12 јуни по што се очекува конечната одлука да се објави по неколку месеци, како што беше најавено.
Американкото правосудство го обвини Асанж за формирање на здружување за вршење на кибер пиратерија, криминал за кој може да биде осуден на пет години затвор откако му помогна на армискиот аналитичар Челзи Менинг да пристапи до илјадници тајни документи во 2010 година. Сепак, неговите поддржувачи се загрижени дека Асанж ќе се соочи со дополнителни обвиненија откако ќе биде на територијата на САД, додека тој се плаши дека може да се третира како "терорист" и да биде затворен во Гвантанамо.
Кристин Харфсон, уредникот на Викиликс, претходно изјави дека стравува дека Асанж би можел да добие смртна казна.