Неколку бизарни факти за Ким Јон Ун – првиот човек на Северна Кореја
Објавено во: Свет, Стил 08 Јануари, 2016
По повод роденденот на лидерот на Северна Кореја, Ким Јон Ун, британскиот Телеграф направи листа од неколку бизарни факти за неговата личност.
Прво, не се знае точно колку години има Ким Јон Ун. Денеска се смета дека полни 32 или 33 години, а неговиот роденден е национален празник на земјата.
Во текот на своето владеење тој спроведува и силна пропаганда за идеализирање на неговата личност. Како на пример, се верува дека научил да вози автомобил на три години, а првиот Мерцедес го добил на седум годишна возраст.
На девет години пак, Ким Јон Ун научил да управува со јахта.
Неговата фризура е единствена дозволена за севернокорејските мажи. Се смета дека лидерот на Северна Кореја тежи 127 кг. Тој најмногу сака да јаде пита и швајцарско сирење.
Странските медиуми повеќепати пишуваа и дека Ким честопати имал направено пластична операција, за да личи на својот дедо.
И на крајот, во април 2015 година Ким Јонг Ун ја искачи највисоката планина во Северна Кореја, облечен во костум и официјални чевли, според државните медиуми во Пјонгјанг.