Нови докази за убиството на новинарот Кашоги, но каде е вистината?

Добивај вести на Viber

Откриени нови фатални детали околу ликвидацијата на саудискиот новинар Џамал Кашоги со место на злосторството во конзулатот на Саудиска Арабија. Извештајот на истражните органи на Тузла од Агенцијата за спроведување на законот, се соопштува дека постојат индиции дека по убиството на Кашоги неговото тело било растворено во киселина.

Како што известува изворот убијците го задавиле Кашоги, потоа го исекле на делови и деловите ги залиле со киселина. Делото е сторено во самиот конзулат или во градината на резденцијата на саудискиот конзул која е во близина, објави Вашингтон пост, цитирајќи неименуван официјален претставник на турската влада.

,,Биолошките докази откриени во градината ја поддржуваат оваа теза", рече изворот. Саудиските власти претходно рекоа дека телото било предадено на ,,локален соработник” за да се ослободи од него, но турските инспектори тврдат дека нема такво лице.

Саудискиот јавен обвинител Сауд ел Модхуб одби да им каже на своите турски колеги каде се наоѓа телото на убиениот новинар Кашоги, објавија турските медиуми, цитирајќи изјави од неименувани извори на владата.

Турскиот весник Хуријет пишува дека турските власти имаат ,,голема недоверба” во врска со Модзеб, бидејќи одби да одговори на прашањето каде се наоѓа телото на Кашоги. Убиениот новинар, кој беше познат критичар на кралското семејство во Саудиска Арабија, последен пат беше виден на 2 октомври, кога влезе во Саудискиот конзулат во Истанбул. Саудиска Арабија притисната со докази, на 19ти октомври признала дека новинарот на Вашингтон пост е убиен за време на тепачка во конзулатот.

Фото-извор/Krone.at-The Week UK