Добивај вести на Viber
Откупните претпријатија размислуваат да го намалат откупот на тутун од годинешната реколта и ова веќе го најавиле денеска на координативен состанок со министерот за земјоделство Љупчо Димовски и претставниците на Сојузот на здруженија на тутунопроизводители.
Причина за ваквите планови се условите и пазарните поместувања. Министерот побарал откупувачите да достават прецизни податоци за количините ориентален тутун од реколтата 2014 година што планираат да ги преземат, но и да не се намалува бројот на кооперанти со кои ќе се склучуваат договори за откуп, туку само да се изврши корегирање на количините произведен тутун.
Во струмичко веќе се најавува дека откупот на овогодинешната реколта би можел да биде и до 40% понизок отколку ланскиот. Фирмите веќе не склучувале договори со сите тутунопроизводители, што предизвикува револт кај тутунарите, од кои за добар дел тутунот е единствена егзистенција.