ПО ПЕТСТОТИНИ ДЕНА ЗАТВОР: Новинарите на „Ројтерс“ ослободени
Објавено во: Свет 07 Мај, 2019
По повеќе од петстотини дена поминати во затвор двајцата новинари на „Ројтерс“ кои беа осудени и затворени во близина на градот Јангон во Мјанмар се ослободени. Тамошните власти ги осудија новинарите добитници на Пулицер за кршење на законот за службена тајна, пренесуваат европските медиуми.
Младите новинари Ва Лон и Кјау Соу О беа осудени на седум години затвор во случајот што предизвика прашања за демократски прогрес на Мјанмар и предизвика незадоволство на дипломати и борците за човекови права.
Кога излегоа од затворот новинарите им мавтаа на присутните новинари, роднини и познаници и изјавија дека се благодарни на меѓународните напори за нивното ослободување. Исто така, тие додадоа дека со нетрпение чекаат да се вратат во редакцијата.
„Ројтерс“ тврди дека двајцата новинари не сториле никакво злосторство.
Фото BBC