Постои град каде живеат само вегетаријанци
Објавено во: Свет 09 Мај, 2019
Во еден индиски град живеат само вегетаријанци.
Тоа е мало гратче во округот Бавганар. Палитана е првиот целосно вегетаријански град во светот, но и најсветото место за следбениците на религијата џаинизам.
Градот има 863 храмови, а местото е толку религиозно, што во 2014 година 200 монаси штрајкуваа со глад за да се затворат 250 месарници.
По ова, Владата го прогласи градот за „зона без месо“.
Џаинизмот не претставува верување во ниту едно божество. Основан е во 6. век п.н.е. и се заснова на ненасилство кон сите живи суштества. Џаинистите веруваат во повторно раѓање и дека добрите во следниот живот, кога повторно ќе се родат, како награда добиваат повисок ранг. Точниот број џаинисти не се знае, но градот Палитана годишно го посетуваат четири до пет милиони аџии.
Во градот млечните производи не се забранети.