ПРОФЕСОРОТ ДАВИТКОВСКИ УКАЖУВА: Наместо да се чека нов министер, премиерот можеше да ја потпише еврообврзницата
Објавено во: Финансии 20 Февруари, 2023
Владата наместо да чека од Собранието да биде избран нов министер за правда за да го потпише мислењето за еврообврзницата можеше да го овласти премиерот Ковачевски да го стори тоа, објаснува универзитетскиот професор Борче Давитковски, во своето гостување во „Да си кажаме“ на Утринска на Телма.
„Владата можеше да излезе од овој ќорсокак. Не мора да се чека, отприлика десетина дена, за да се избере нов министер. Првото прашање беше дали е констатирана оставката бидејќи за оставка не се дискутира, туку се констатира. Под претпоставка дека и заменикот дал оставка и таа ако е констатирана, тогаш Министерството за правда нема министер, нема овластен потпишувач, но Владата можела веднаш на седница на Влада да го овласти премиерот и премиерот може во секое време да си ја потпише еврообврзницата, затоа што е старешина на администрацијата. На пример, во Фрација дури и во Уставот пишува дека премиерот е старешина на целокупната администрација“, објасни професорот Давитковски.