Добивај вести на Viber
Ново Здружение на македонски винари беше промовирано синоќа во Демир Капија. Како главни приоритети беа поставени - унапредување на винарството во Македонија, изградба на македонското вино како бренд препознатлив во светот, следење на светските трендови во винската индустрија, проширување знаењата од технолошката пракса и теорија.
„Работејќи со другите институции во државата кои сакаат да го афирмираат македонското вино би сакале да ги подобриме состојбите во македонското винарство“, рече претседателот на здружението Игно Тасев.
Здружението ќе ги анализира трендовите и практиките во производството на вино во светските лидери во оваа област - Франција, Германија, Јужна Африка, Австралија, САД, Чиле и Нов Зеланд.