Добивај вести на Viber
Избеганиот поранешен премиер, Никола Груевски денеска повторно се огласи преку својот Фејсбук профил.
Постот кој го постави на оваа социјална мрежа привлече големо внимание.
Шест години медитација е насловот на постот, а во него Груевски започнува со став околу градбата на експресниот пат Ранковце - Крива Паланка.
- Никој не излезе да објасни зошто шест години беше стопирана градбата на експресниот пат Ранковце-Крива Паланка за која во 2016 година светската банка го одобри финасирањето и обезбеди пари на барање на Владата во процедура почната повеќе од две години претходно, во изработка на проект во сите фази.
Речиси шест години не се објави јавен повик за изведувач - градежна фирма, бидејќи во пред и по изборниот период до формирање нова влада во мај 2017 година , законски тоа не е дозволено, а потоа со новата власт предводена од СДСМ следува една долга убив дрвена “медитација на јога мајсторите” еве веќе шест години - пишува Груевски.
Во долгиот пост, поранешиот премиер се осврнува и на други почнати и недовршени патни правци во земјава.
-
Експресниот пат Градско-Прилеп е именуван и го носи името на Методија Андонов Ченто, итн, а истиот од Ранковце до Крива Паланка се именува како ВМРО, носејќи го името на славната револуционерна организација која 41 година се бореше за ослободување на Македонија во нејзините геогравски и етнички граници.Но, овие неможат да ги завршат,а за табли со имињата на истите и да не очекуваме, како што нема на оддамна готовиот автопат Штип-Скопје - пишува Груевски, алудирајќи на тоа дека патишта се граделе само додека он бил на власт.
Неговиот пост ви го пренесуваме во целост.
Неговиот пост предизвика бројни реакции.
Фото: Принтскрин/Фејсбук