СМЕНАТА ВО ПРАВДА ЈА ПРОПАДНА ЕВРООБВРЗНИЦАТА, ЌЕ МОРА ДА ИМА НОВА АУКЦИЈА - нема задолжување без потпис на новиот министер
Објавено во: Финансии 15 Февруари, 2023
Пропадна еврообврзницата од 600 милиони евра, која сакаше да ја издаде владата – дознава Радио Лидер
Како што пишува овој медиум, причината за пропаѓањето е тоа што министерот за правда во заминување Никола Тупанчевски одбил да ја потпише.
Според правилата, за да се издаде еврообврзница покрај од другите, треба да има потпис и од министерот за правда. Изворот на Лидер вели дека ова целиот процес го враќа на самиот почеток и од ново ќе треба да се издава еврообврзница, затоа што оваа пропаѓа.
Целта на ова задолжување беше да се покријат старите задолжувања.
Со објаснување се јави и Министерството за финансии, кое практично ја потврдува веста дека пропаднала претходната еврообврзница од 600 милиони евра.Еве што објавија од Министерството за финансии.
„Целосната постапка за издавање на еврообврзницата ќе биде извршена по спроведување на административните процедури, кои подразбираат и мислење од новиот министер за правда. Веднаш по изборот на новиот министер за правда ќе се одржи нова аукција. За ова банките-агенти што посредуваа при издавањето на еврообврзницата ќе ги информираат инвеститорите, кои при минатата аукција имаа 2,5 пати поголем интерес во однос на понудената сума, како резултат на довербата во добрите економски политики“, соопштија денеска од Министерството за финансии.
Оттаму потсетија дека согласно процедурата за избор на нови министри во Владата на Република Северна Македонија, Собранието на 13 февруари 2023 година прими оставки од четворица министри, меѓу кои и министерот за правда, кои се прифатени од Собранието.
„Законски, за издавање на еврообврзницата, потребно е мислење на министерот за правда, кој е меѓу министрите кои поднесоа оставки до Собранието“, истакнаа од МФ.Од ова произлегува дека штом ќе има потреба за нова аукција, тоа практично значи дека ќе има и нови понуди од инвеститорите, што всушност значи дека еврообврзницата од 600 милиони евра практично била пропадната.
Реагираше и ВМРО-ДПМНЕ. Гордана Димитриеска Кочоска на фејсбук напиша дека е откажана еврообврзницата од 600 милиони евра, а причина за ова, како што вели, е смената на Министерот за правда кој што не сакал да потпише и без негов потпис понатаму не може да се движи постапката.
„Ова е најголем доказ дека и во владата има голем раскол и дека нема капетан на бродот. Дали намерно ја втурнувате државата во банкрот? Докторите немаат земено плата а изговор ви е дека ги чекате парите од еврообврзницата. Повеќе од јасно е дека тие пари нема да ги добиеме. Оставка на цела влада веднаш“, пишува Кочоска.
Можеби ќе ве интересира
КОЛКАВИ СЕ ПЛАТИТЕ НА РЕГУЛАТОРИТЕ ЗА СТРУЈА И ВОДА: годишниот извештај открива колку се троши на плати и надоместоци за вработените
„ФОРБС“ ОТКРИ ПОВЕЌЕ ОД 20 МИЛИЈАРДЕРИ СО БРОЕН ИМОТ ВО ДУБАИ: Рајот за богаташите е тука
ПОКРЕНА БИЗНИС СО КРЕВЕТИ, БЕЗ НИЕДЕН КРЕВЕТ: Запознајте го Брајан Чески, креаторот на платформата Airbnb
Оваа работа може да ви донесе и до 15 000 евра по сезона: Си работите 10 минути покрај море, а покрај тоа капнува и бакшиш!
Оние жолти мали центи кои ви се моткаат низ паричник можеби вредат многу повеќе: На една вредноста и е 2500 евра-еве ја листата
БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците
„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена
ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони
НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома
