СВЕТОТ ВО ИСЧЕКУВАЊЕ: Кое ќе биде името на бебето на Меган и Хари
Објавено во: Свет 07 Мај, 2019
Дали тоа ќе биде Артур или
Едвард? Антиципацијата расте за името кое ќе го носи бебето на Хари и Меган.
Војводата и војвотката од Сасекс сега се горди
родители на машко бебе. Но, уште една мистерија останува: Какво име ќе му
дадат?
Маѓепсаниот принц Хари разговараше со медиумите
кратко време по раѓањето на неговиот син во понеделникот, известувајќи ги новинарите
дека кралската двојка „сѐ уште размислува за името“, пишуваат британските медиуми.
Како и сите нови родители, Меган и Хари несомнено
ќе размислуваат за имиња за своето бебе, а можеби и веќе се одлучиле за некое од
нивните омилени.
Нема кралски правила за избор на имиња, но
британското кралско семејство сака да им оддаде почит на оние што дојдоа пред
нив, пишуваат медиумите од островот.
Англичаните се познати по обложување во се и сешто, така и овој пат името на новото кралско бебе, не ги изостави обложувалниците. Играчите најмногу облози ставиле на имињата Артур и Едвард, како и Филип по дедо му на Хари.
Бебето на Меган и Хари е седмо по ред за престолот.
Кралицата Елизабета Втора им
подари четири имиња на секое од нејзините четири деца. Целосното име на принцот
Чарлс, сегашен наследник, е всушност Чарлс Филип Артур Џорџ. Додека пак,
полното име на новиот татко Принц Хари е Хенри Чарлс Алберт Дејвид. Братот на
Хари, принцот Вилијам, војводата од Кембриџ, ја продолжи традицијата на повеќе имиња со
сите три негови деца.
Традиционално, првиот кој дознава за кралско раѓање е
владеачкиот монарх. Како и кралицата Елизабета Втора, британската премиерка
Тереза Меј исто така, и генералниот гувернер на секоја држава на Комонвелтот е секогаш прво информиран, заедно со останатите кралски и семејството на Меган во САД.
Официјалното известување за раѓањето на бебето на
војводата и војвотката од Сасекс е изложено пред Бакингемската палата во
понеделникот.
Попладнето беше врамен билтен најавувајќи го раѓањето, билтенот беше поставен во предниот дел на палатата во Лондон, во кој не беше запишано име. И така, чекањето продолжува.
Фото CNN