(ВИДЕО) За само неколку минути песочна бура покри цел град
Објавено во: Свет 08 Мај, 2019
Голема песочна бура за само неколку минути „проголта“ австралиски град.
Песочна бура во вторникот попладне го прекри градот Милдура во Австралија, јави Гардијан.
Жителите раскажаа дека за само неколку минути исчезнала дневната светлина и градот бил обвиен со песок и мрак. Ветровите се движеле со брзина до 87 км/ч.
„Изгледаше како да го проголта градот Милдура“, рече Танви Мор.
Тој вели дека тоа е најголемиот облак прашина што го прекрил градот во последните 4 децении.
Метеорологот Ричард Карлион кажа дека таквите бури се невообичаени за месецов.
Песочна бура да покрие цел град се случувало претходно во Индија, во други делови на Австралија, во Аризона, Кина.