Добивај вести на Viber
Винаријата Винеа исплати осумдесет проценти од заостанатите долгови кои ги имаше кон лозаропроизводителите од Тиквешко, уште мал дел останува за доисплата од средствата кои винарницата им ги должи на лозарите за грозје откупено пред неколку години, соопшти денеска Љупчо Аризанов, претседател на регионалниот Сојуз на лозари Агротиквешија од Кавадарци.
- Тоа значи дека вродија со плод напорите кои во изминатиот период ги вложивме како Сојуз заедно со Министерството за земјоделство, шумарство и водостопанство и Државниот инспекторат за земјоделство за исплата на заостанатите долгови кон производителите на грозје, нагласи Аризанов.