ЗАКОНОТ ЗА ЈАЗИЦИ ВО СОБРАНИЕ: Што ќе се случува со амандманите на ВМРО-ДПМНЕ?
Објавено во: Македонија 06 Март, 2018
Претседателот на Собранието, Талат Џафери за денеска за напладне го закажа продолжението на 32-та седница на која на дневен ред е и третото читање на Законот за употреба на јазиците.
На овој закон пратениците на ВМРО-ДПМНЕ поднесоа 35.000 амандмани. Засега е неизвесно дали пратениците ќе расправаат за амандманите и како ќе се надмине оваа ситуација која може да предизвика блокада на Парламентот или тие ќе бидат прескокнати и ќе се расправа за другите точки од дневниот ред на оваа седница.
По средбата меѓу премиерот Зоран Заев и претседателот на ВМРО-ДПМНЕ, Христијан Мицкоски стана јасно дека во однос на Законот за употреба на јазиците нема никаква промена околу можното приближување на ставовите на партиите. Сите обиди за постигнување некаков договор и повлекување на амандманите пропаднаа.
ВМРО-ДПМНЕ останува на ставот за бојкот на Парламентот и бара ослободување на своите пратеници од обвиненијата и од притворот за настаните од 27 април лани.
Можеби ќе ве интересира
Им се расипал автомобилот на Осоговски планини, па барале помош
Ореовец ќе се радикализира од понеделник против минирањето на „Бехтел и Енка“
Уапсениот судија Наќе Георгиев се жали дека е наместен со понудениот поткуп
Весна Јаневска и актерот Љутков кандидати за министри во новата влада
Владиката Петар: Се виде дека барањата на Цариград не се канонски, туку политички
Мицкоски: Заклетвата на претседателката ги крена сите на нозе, а нашето чекање никој не го коментира
Непозната миризба ги затвори хируршките сали во „Мајка Тереза“
