ЗАВРШИ Г20 САМИТОТ: Лидерите се обврзаа на заедничко решавање глобални проблеми

Добивај вести на Viber

Дводневниот самит Г20 заврши. Во своето обраќање домаќинот, Шинџо Абе истакна дека лидерите успејале на самитот да усвојат заеднички пристап за решавање на проблемите и истовремено да не ги зголемат постојните разлики.

Премиерот на Јапонија Абе потенцираше дека постојат различни мислења за Г-20.

„Велат дека е тешко да се најде заеднички став во овој клуб. Но, многу е важно што можевме да најдеме заеднички пристапи за многу проблеми“, рече Абе на прес-конференција.

Лидерите се заложиле за промовирање слободна, фер и недискриминаторска трговија и ветиле дека ќе ги користат „сите политички средства” за поддршка на глобалната економија, во услови на постоечки ризици.

Во фокус на Самиотот беа и климатските промени, лидерите на Г-20 се обврзаа да се борат против климатските промени, обидувајќи се да ги намалат емисиите на гасови работејќи на финансирање на одржлив развој и подобра иновација, САД ја повтори својата одлука да се повлече од Договорот за климатски промени во Париз „бидејќи поттикнува американски работници и даночни обврзници“.

Германската канцеларка, Ангела Меркел го поздрави фактот дека Г20 Успеа да остане во заеднички став околку прашањето за климатските промени.

Таа додаде дека некои лидери во Осака веќе сигнализирале својата подготвеност за зајакнување на посветеност за намалување на емисиите на стакленички гасови на нула до 2050 година,пренсуваат медиумите од регионот.

Ангела Меркел, исто така, го пофали договорот на ЕУ и Латинска Америка во создавањето на најголемиот зона на слободна трговија во светот по 20 години преговори.