Добивај вести на Viber
Земјоделците од Кавадарци и Росоман пројавуваат голема заинтересираност за користење средства од програмата за финаниска поддршка на руралниот развој за 2014 година. Ова го покажуваат податоците на Агенцијата за поттикнување на развојот во земјоделството од Кавадарци, информира Лазе Стамаџиев, од работната единица.
- Земјоделците се особено заинтересирани за користење на финансиска помош за подигнатите нови лозови или овошни насади од почетокот на оваа година до крајот на април месец. Доколку е се во ред со нивната документација, тие можат да добијат назад 50 проценти од вложените средства за инвестирањето во лозовиот или овошен насад. Во моментов трае нивното пријавување, а крајниот рок е до 30 јуни, објаснува Стамаџиев.
Тој нагласува дека средства од оваа програма можат да користат и земјоделците кои планираат да подигнат нови лозови или овошни насади, а кои треба навремено да се пријават во работната единица на Агенцијата и подрачната единица на Министерството за земјоделство во Кавадарци.