Гласањето за Брегзит при крај, останува ли Британија во ЕУ?
Објавено во: Свет 23 Јуни, 2016
Гласањето на референдумот за излез или останување во ЕУ во Британија влегува во завршните часови.
Ќе се гласа до 22 часот. Повеќето актуелни анкети, објавени пред и за време на изборниот ден покажале предност на Британците кои сакаат останување на нивната земја во ЕУ. Финансиските пазари реагираа позитивно на овие информации, а главниот индекс на лондонската берза "FTSE 100" забележа раст. Цената на британските фунти достигна рекордно висока вредност во однос на доларот за 2016 година.
Анкета на агенцијата „ComRes" нарачана од „Дејли Меил" и телевизијата „Ај Ти Ви" покажа дека 48% од Британците ќе гласаат за останување во ЕУ, додека 42% сакаат излез од унијата. Слични се прогнозите и на „YouGov".
Тоа покажа дека приврзаниците на ЕУ на островот се 55%, додека евроскептиците се 45%.
Лидерот на британската Лабуристичка партија, Џереми Корбин изрази оптимизам за останувањето на Велика Британија во Европската унија.