Горно Лисиче доби нов парк
Објавено во: Македонија 12 Септември, 2013
Во населбата Горно Лисиче во општина Аеродром денеска е пуштен во употреба зелен парк на површина од 6.500 метри квадратни. Изградбата на паркот чини 35 милиони денари обезбедени од општинскиот буџет.
Паркот содржи зелена површина од 3.000 метри квадратни, уредена со висока и ниска вегетација со повеќе видови зимзелени и листопадни растенија, цветни грмушки и барски растенија. Новиот парк содржи и езеро на две нивоа со пешачки мост, а над езерото е поставен видиковец. Содржи и детско игралиште со реквизити, пешачки патеки, жарданиери, чешми, канти за отпадоци и клупи.
Претседателот Ѓорѓе Иванов и градоначалникот на општина Аеродром Ивица Конески кои присуствуваа на пуштањето во употреба на паркот, оценија дека со неговата изградба се подобруваат условите и за граѓаните во руралниот дел од општината.
Граѓаните ќе имаат места каде да се релаксираат, а децата за забава. Ова е за пофалба и покажува дека тоа што го бараат граѓаните се реализира, изјави Иванов.
Според градоначалникот Коневски, изградбата на паркот е со цел жителите на руралниот дел да ги добијат неопходните услови што ги има и во урбаниот дел.
- И понатаму ќе продолжиме со целосна урбанизација на руралниот дел, рече градоначалникот Конески.
Можеби ќе ве интересира
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
ЗА ПАЛЧО СЕ ОГЛАСИЈА ОД КРИВИЧЕН СУД: Судија на претходна постапка во координација со Јавен обвинител, ќе издаде наредба за спровод за негово произнесување
Екстрадиран кондовскиот терорист Бесим Красниќи во Македонија
ЈАНЕ ПЕТКОВСКИ И ЕЛИЗАБЕТА СТЕФКОВСКА ГО НАПУШТИЈА СДСМ ВО СОВЕТОТ НА КИСЕЛА ВОДА - градоначалникот Ѓорѓиевски им изрази благодарност
„НИТУ ЕДНА ВЛАДА НЕ МОЖЕ ДА ГО РАСКИНЕ ДОГОВОРОТ СО БЕХТЕЛ И ЕНКА“: Европскиот фронт прашува дали Вреди и ВМРО се договориле за ревизија на Коридорот 8
