ПОЛИТИЧКА НЕСТАБИЛНОСТ: Повеќе од 2.700 компании ја напуштиле Каталонија

Добивај вести на Viber

Над 2700 компании ги преселија правните адреси од Каталонија во други населени места во Шпанија поради политичката нестабилност во регионот, објавија светските агенции.

Според објавеното, на 2 октомври 2 745 компании одлучиле да ја напуштат Каталонија. Повеќето од нив биле регистрирани во провинцијата Барселона. Вчера, само 21 бизнис фрирма се повлекла од регионот, што е минимален показател за периодот на кризата.

На 6 октомври шпанската влада одобри декрет кој им олеснува на компаниите да ја пренесат Правата адреса на територијата на земјата. Корпоративниот закон беше изменет, така што одборот на директори на компаниите беше надлежен за таква промена. Промената им овозможи на фирмите во Каталонија да ја преместат Правната адреса во друга шпанска област, без да е потребно да свикуваат вонредно генерално собрание на акционерите за таа цел, потсетуваат агенциите.

На 27 октомври каталонскиот парламент одобри резолуција за прогласување на независна република, чие дејство веќе беше суспендирано од страна на Уставниот суд на земјата. Сенатот (Горниот дом на парламентот) на Шпанија го одобри барањето на Мадрид за активирање на член 155 од Уставот на кралството, кој никогаш порано не бил администриран и овозможува да биде ограничена самоуправата на Каталонија.

По одобрувањето шпанскиот премиер Маријано Рахој изјави дека е донесена одлука да се отстранат лидерот на Каталонија Карлес Пучдемон и членовите на неговата влада. Покрај тоа, премиерот распушти каталонскиот парламент и закажа за 21 декември избори во ентитетот.