Решавачка битка против Исламска држава во Мосул
Објавено во: Свет 08 Јули, 2017
Ирачката војска помогната од различните милициски сили ги започна новите офанзивни акции со кои планира да и го нанесе последниот удар на Исламска држава која со години има упориште во Ирак и речиси целосно е опколена.
Портпаролот на ирачката војска рече дека ирачките владини сили поддржани од САД ја преземале контролата над стариот град во Мосул, последната област која беше под контрола на Исламска држава.
„Ние сме на само неколку метри од реката Тигрис, напредокот на ирачката војска поддржана со воздушни напади е одличен“, изјави бригадниот генерал Јехиа Расул денеска за државната телевизија.
Неговата изјава доаѓа истовремено со извештаите дека владините сили се очекува да ја преземат целосната контрола над Мосул кој милитантите од Исламска држава го заземаа во 2014 година.
Офанзивата за преземање на Мосул од ИД почна во октомври. Ирачките сили објавија дека источниот дел од градот е целосно ослободен во јануари.