Руски воен авион се урна во близина на Сирија, пилотот се катапултирал
Објавено во: Свет 14 Ноември, 2016
Руски борбен авион МИГ 29 се урна во водите на Средоземното море во близина на брегот на Сирија, откако пилотот неуспешно се обидел да слета на носачот на авиони „Адмирал Кузнецов“.
Според руското министерство за одбрана најверојатно причината за падот е техничка грешка, додека пак пилотот навремено се катапултиран и безбедно е извлечен од водите, па засега нема наводи дека бил соборен.
Се истакнува дека инцидентот не влијаел врз планот за летови и дека „групата на носачот на авиони во Средоземното Море продолжува да дејствува според планот“. Претходно беше објавено дека палубната авијација на носачот „Адмирал Кузнецов“ кој доплови до сирискиот брег започнала со тренажни летови за координација со еден од аеродромите на копното.
Групата бродови од руската Северна флота на 15-ти октомври влезе во Средоземното Море според планот за борбени подготовки. Во составот на групата, покрај носачот се и голем ракетен крстосувач, два брода брод за борба против подморници, како и бродови за обезбедување.
Авионот од типот „МиГ-29К“ е руски повеќенаменски суперсоничен ловец од четвртата генерација, развиван од советскиот проект „МиГ-29“, од 1980 година. Тоа е првиот советски борбен авион со можноста да полетува и да атерира на брод