Се реконструираат спортските сали во Аеродром

Во 6 основни училишта во општина ќе се реновираат спортските сали.  Со реконструкција на салите се опфатени училиштата „Блаже Конески“, „Димитар Македонски“, „Лазо Ангеловски“, „Ѓорѓија Пулевски“, „Љубен Лапе“и „Браќа Миладиновци“ .  Во ОУ „Блаже Конески“ градежните работи се почнати. „Ќе се изврши реконструкција на спортските сали, соблекувалните и просториите за реквизити, ќе се реконструираат покривите на спортските сали во некои училишта, ќе се промени внатрешната столарија, ќе се реновираат санитарните јазли, ќе се постават заштитни решетки на прозорците и вратите, а ќе се заменат и подовите и плочките во соблекувалните и ходниците. Ќе се молерисуваат ѕидовите и плафоните, а ќе се реконструира и водоводната, канализациската и електричната инсталација“, информираше градоначалникот Ивица Коневски. Реконструкцијата на учлишните сали ќе чини околу 30 милиони денари. Парите се обезбедени од буџетот на општината.