(ВИДЕО+ФОТО) ПАНИКА НА БАЛИ: Дел од туристите не се евакуираа
Објавено во: Свет 27 Ноември, 2017
Затворен е аеродромот во Бали, а туристите кои не стигнаа да се евакуираат се во паника.
Аеродромот ќе биде затворен најмалку 24 часа во зависност од количината на пепел во воздухот и безбедноста на летовите што ќе почне да се контролира најрано утре.
Најмалку 445 летови се одложени, а 59 000 туристи останаа на Бали, откако вулканот почна
да исфрла пепел и лава. И вториот аеродром на островот Ламбок е затворен од вчера,
поради неговата положба поблиску до вулканот.
Звуците на ерупцијата на лава се слушаат на оддалеченост и од 12 километри. Вулканолозите предвидуваат уште позасилена еруптивна активност во текот на ноќта и
експлозии какви немало во последните години. Населението што живее на оддалеченост од 7 километри до планината е веќе евакуирано, но се евакуираат и жителите на 10 километри
оддалеченост. Луѓето се плашат дека лавата ќе ги уништи нивните куќи.
Вулканскиот пепел до вчера беше исфрлан на височина од 6 000 метри над светски познатото
летувалиште Бали. Во 1963 година при ерупција на овој вулкан имаше 1100 жртви.