За Трамп е одлично што Британците си ја вратиле својата земја
Објавено во: Свет 24 Јуни, 2016
Доналд Трамп, aмериканскиот претседателски кандидат изјави дека е одлична работа тоа што луѓето од Велика Британија си ја вратиле својата земја.
Тој се наоѓа во Шкотска на отворање на голф терени, каде кажа дека Британците повторно ја зеле контролата врз својата земја, со гласањето за напуштање на ЕУ.
Пред гласањето Трамп изјави дека е наклонет кон напуштање на Унијата. Тој имаше „размена на навреди“ со британскиот премиер Дејвид Камерон, кој го поддржуваше останувањето на земјата во ЕУ и по референдумот најави дека ќе поднесе оставка.
Трамп досега коментираше дека Британија треба да ја напушти унијата и дека тој веста за резултатите од референдумот ќе ја дочека баш во оваа земја.