Заедно кон подобар свет за децата, адолесцентите, деца и млади со попречености и семејствата
Објавено во: Свет 27 Ноември, 2017
На 1.12.2017 година во просториите на Информативниот центар на ЕУ во 5 до 12 часот во организација на Невладината организација „НВО Детски свет Нов Почеток“,„НВО различни, посебни а еднакви – МЕНУВАМЕ“ и граѓанската иницијатива 5ДО12“ ќе се одржи конференција пред почесните гости, медиумите и сите присутни со цел да се докаже и укаже еднаквоста кај децата, адолесцентите, деца и млади со попречености и семејствата со пораката „5ДО12-МЕНУВАМЕ“ со цел за младинска социјална инклузија и презентирање пред јавноста дека не треба да постојат ограничувања во секојдневието кај децата, адолесцентите, деца и млади со попречености и семејствата, а со тоа секоја активност од сите сфери на живеењето на овие лица да биде можност за понатамошен напредок во создавањето на услови и поефикасни решенија во менување на стереотипите.
На самиот настан свечено ќе се потпише и официјализира меморандумот за меѓусебна поддршка и соработка од страна на Министерството за труд и социјална политика и министерката Г-ѓа Мила Царовска и организацијата „НВО Детски свет - Нов почеток“.
„Додека некои ја гледаат физичката попреченост како препрека, постојат луѓе кои ја гледаат како можност, можност да се поместат границите во умот за да се успее и да се оствари нивниот сон. Затоа што позади секој успех стои труд, пасија и човек подготвен да се соочи со предизвиците на патот кон целта.“, е дел од пораката која Г-дин Суарет Алишан, Претседател на „НВО Детски свет - Нов почеток“ кој преку својот говор ќе ја пренесе пред сите присутни на конференцијата.
Со свое излагање ќе се претстави и Г-дин Зоран Мијалков, Претседател на Невладината организација „Сплотени Срца“ од Штип.
На настанот иноваторот и креаторот Г-ѓаАлександра Калемџиевска ќе ги презентира своите неверојатни иновации кои ќе го олеснат секојдневнието на децата, адолесцентите, деца и млади со попречености и семејствата и комплетно ќе ги направат независни во сите сфери на живеењето.
Главната цел на оваа конференција е презентација на понатамошната работа и достигнувања за воедначен развој на лицата со и без физичка попреченост на целата територијата на Република Македонија, како и создавање услови за воспоставување и промовирање инклузивни настани и иницијативи што промовираат интеракција помеѓу децата и младите. Овозможување постојан и непречен пристап на фокусот на проектите, соработка со сите општини во Републиката, со континуирана заложба за понатамошен развој и подигнување на степенот на свест.