Африканска свинска чума потврдена во Србија

Добивај вести на Viber

 Африканска свинска чума потврдена во Србија

Во соседна Србија е потврден дека има Африканска свинска чума. Резултатите од Мадрид се вратија и потврдуваат дека оваа болест е присута и на територијата на Србија.

Во околината на Младеновац е појавена болеста, изјави министерот за земјоделство на Србија, Бранислав Недимовиќ, потенцирајќи дека се превземени сите превентивни мерки за да се спречи ширењето на вирусот.

Тој прецизираше дека вирусот, за кој нема вакцина како превентивна мерка, се појавил на три пункта во три села во близина на Младеновац и дека е донесена одлука да се прогласи заразена област околу Младеновац во радиус од три километри, пренесуваат медиумите од регионот.

Тој изјави дека белградскиот институт за ветеринарна наука идентификувал фокусна точка во селото Рабровац и дека врз основа на тоа, сите натамошни чекори и превентивни мерки биле преземени пред 15 дена кога се појавило сомневање.

„За жал, после две години борба со африканската свинска чума, да не дојде во Србија, сега можам да потврдам дека, врз основа на резултатите од лабораторијата во Мадрид, имаме потврдена африканска свинска треска во три села околу Младеновац“, речеНедимовиќ за Танјуг.

Тој објасни дека вирусот африканска свинска чума ги напаѓаа свињите и дивитесвињи, но дека нема опасност за луѓето.

„ Ова е сериозен проблем, пред сè за целата индустрија за свињи“, рече министерот.

Министерот рече дека ќе биде забрането да се чуваат свињи на отворено за да не се пренесе зараза.

„Она што се случи во Младеновац е микро случај“, рече Недимовиќ, потенцирајќи дека превенцијата сега е најважна.

Тој истакна дека биле преземени сите превентивни мерки за да се спречи ширењето на инфекцијата.