„Ќосето е жив“ ечи пред ДИК: Победата ќе се чува цела ноќ!
Објавено во: Македонија 16 Декември, 2016
И додека ДИК е на пауза после долгите расправи за изборните нерегуларности, приврзаниците на ВМРО-ДПМНЕ „се смрзнуваат“ и велат дека сакаат да спречат да биде украдена изборната победа .
Пред малку пред насобраната толпа се обрати градоначалникот на Скопје Коце Трајановски кој порача дека ова е голем срам за државата и дека ако треба цела ноќ ќе останат пред ДИК да ја чуваат победата.
Откако заврши со говорот, толпата почна да скандира „Ќосето е жив“...
Името на овој лик во историјата познат како ликвидатор, во изборната кампања го употреби и лидерот на партијата Груевски на митинг во Делчево.
Филип Петровски рече дека ќе останат цела вечер пред ДИК, и рече дека е Доста. И дека тие нема да се повлечат, а порача на СДСМ да го признае победникот и да честита победа.