ЛАВИНА РЕАКЦИИ: КАЗНЕТИ ЗАТОА ШТО НАПИШАЛЕ ИСТИ ЗБОРОВИ? Примерни ученици реагираат, залуден им бил четиригодишниот успех

Добивај вести на Viber

Откако Фактор го објави статусот на младата девојка со наслов ЕВЕ ЗОШТО МЛАДИТЕ БЕГААТ ОД ДРЖАВАТА: Ученичка од Тетово распали-јас сум со сите петки и пак сум во категорија препишувач!, до нашата редакција пристигнуваат уште реакции од млади, кои тврдат дека неправедно биле казнети од комисијата.

„Ви пишувам во врска со екстерниот тест по англики јазик и литература. По доставен приговор и направен увид на мојот тест иако и претходно знаев и се уверив дека тестот е одлично решен, но есејот е бодуван со нула иако истиот ги задоволува сите барања. Причина според нив е дека во есејот наводно се пронајдени неколку зборови што биле споделувани во вибер група. Ниту сум администратор, ниту сум користела некаква вибер група, есејот го составив сама. А тоа што се повторувале неколку зборови тоа е затоа што сите пишувавме на иста тема. Јас и не знам дека воопшто е споделуван некаков есеј. Сега сум казнета со 3ка, а таа нивна оценка и покрај сите останати петки ќе ми претставува проблем да се запишам онаму каде што јас сакам. Значи сите четири години одличен успех, примерно поведение, учество и освојување награди на натпревари ми "паѓаат во вода" само и само затоа што некој одлучил да ме казни. Која е мојата вина што е дозволено да постојат такви групи“ се вели во реакцијата на младата девојка, чиј идентитет нѐ замоли да не го објавуваме, за да избегне поголеми проблеми.