10 компании кои ги произведуваат речиси сите видови храна и пијалаци во светот (Инфографик)
Објавено во: Свет 01 Октомври, 2016
Штандовите во супермаркетите се преполни со најразлични производи со шарени пакувања и секој од нив ни изгледа различно од другиот. Всушност, огромен процент од храната и пијалоците, продавани од синџирите, се произведени од само 10 компании.
Британската невладина организација Oxfam создава детален иконографик и го покажува огромниот асортиман на производи на овие корпорации.
Видете кои се тие:
10. Kellogg's
Приходи за 2015 година: 13,5 милијарди. Корпорацијата држи голем број популарни брендови, како Eggo и Pringles.
9. Associated British Foods
Приходи за 2015 година: 16,6 милијарди долари. Нивен е популарниот бренд чаеви Twinings, како и синџирот продавници Primark.
8. General Mills
Приходи за 2015 година: 17,6 милијарди долари. Под нивната капа се Yoplait, Hamburger Helper и Haagen-Dazs.
7. Danone
Приходи за 2015 година: 24,9 милијарди долари. Најдобро познатите нивни производи се Activia, Danone и Oikos.
6. Mondelez
Приходи за 2015 година: 29,6 милијарди долари. Тие се производителот на бисквитите Oreo, како и на чоколадо Milka.
5. Mars
Приходи за 2015 година: 33 милијарди долари. Корпорацијата е најпозната со бонбоните M & M, но нејзини се и гумите за џвакање Orbit.
4. Coca-Cola
Приходи за 2015 година: 44,3 милијарди долари. Гигантот е најдобро познат по истоимениот производ, но и со уште неколку безалкохолни пијалоци.
3. Unilever
Приходи за 2015 година: 59,1 милијарди долари. Покрај голем број стоки за дома, фирмата го произведува студениот чај Lipton, како и сладоледот Magnum.
2. PepsiCo
Приходи за 2015 година: 63 милијарди долари. Заедно со безалкохолните пијалоци, PepsiCo држи и марките Cheetos и Tropicana.
1. Nestle
Приходи за 2015 година: 87 милијарди долари. Со Nestle сигурно се буди половина свет, бидејќи е нејзин брендот кафиња Nescafe. Освен тоа компанијата ги држи брендовите колачи Lion и KitKat.