20 македонски производи на индонезискиот пазар
Објавено во: Економија 21 Јули, 2013
Владимир Кофчегарски, извршниот директор на Македонскиот совет за надворешна трговија Азија – Пацифик, на средба со претставници од Стопанската комора на Индонезија, се договори, 20 македонски производи, кои имаат Халал Сертификат да се тестираат во наредните денови во еден од најголемите синџири на супермаркети во Индонезија.
„Оваа посета се одржи со цел да се продолжи она што го започна Министерот за надворешни работи Никола Попоски, од страна на македонската влада. Нашата примарна цел е намалување на трговскиот дефицит, а воедно и презентација на Македонија како поволна инвестициска дестинација за индонезиските компании, како и промоција на туристичките потенцијали на нашата земја“ изјави Владимир Кофчегарски.
Индонезија претставува економски лидер во Југоисточна Азија со годишен раст од 6,8% и популација од 250 милиони жители. Растот на економијата се должи на државната интервенција, каде 160- те корпорации во сопственост на државата, претставуваат основа на индонезиската економија.