80 години живеела без струја, Божиќ ќе го чека со светилка и телевизор
Објавено во: Балкан 05 Јануари, 2017
Старицата Станка Бакрачевиќ 80 години живеела без струја во селото Тушимља на Голија.
Кога изгубила надеж дека ќе се спаси од мрак, кај нека на врата зачукал Хидо Муратовиќ кој две децении им помага на старите луѓе кои живеат во ова подрачје.
Тој дознал за нејзиниот случај и решил да и помогне, така што овој Божиќ жената ќе го празнува со светилка во домот и со телевизор.
„Баш мислев дека ќе умрам, а нема да дочекам да видам струја. Ова е прва Нова година да имам струја, и да знам што се случува. Веќе не се радувам на весници, туку гледам и телевизија. Мене ова ми е прв пат да живеам како останатиот свет“ - вели таа.
Муратовиќ на социјалните мрежи апелирал за помош, со што собрал пари за приклучување на струја и купување на телевизор.
Старицата живее сама и нема деца, а од роднини има само сестра која живее подалеку.