А КАДЕ Е БЕСПЛАТНИОТ ПРЕВОЗ? НЕКОИ СЕ СЕТИЈА, СЕПАК, ДА ГО ДОБИЈАТ - момче со многу ризичен потег осамна на Тик-ток
Објавено во: Македонија 27 Март, 2023
Младите луѓе во земјава си го сакаат бесплатниот автобуски превоз кој им беше ветен од градската власт, но никако да се оствари.
Затоа некои досетливи се решиле да направат шега, која може да биде и многу опасна, и сепак да можат бесплатно да стигнат од една до друга дестинација.
На социјалната мрежа Тик-ток се појави видео на момче на ролеки кое се држи на градски автобус во главниот град на земјава. Тоа се случува додека возачи на таа локација го снимаат со цел да се направи видео.
„Може на Твитер“, прашува снимателот, а видеото го има и на Тик-ток.
Овде мора да се напомене дека иако станува збор за интересен подвиг кој има за цел да им укаже на градските авторитети дека ветувањата што ги дале пред да дојдат на своите позиции треба и да ги реализираат, сепак, станува збор за многу опасна активност. Исто така, некој може ова момче и да го гони за кршење на сообрачајните правила.
@susantoroj #4u #foryoupage #Macedonia/a> #Balkan #viral #Comedy #Twitter #foryou #Fyp original sound - susantoroj