Ахмети: Некои политичари ветуваат рај, меѓутоа, само на збор

Добивај вести на Viber

Лидерот на ДУИ, Али Ахмети вчера во Боговиње рече дека некои политичари ветуваат рај, меѓутоа, само на збор.

Вели наводно овие сили ќе ги ослободеле Албанците од „канџите“ и „ропството“, на ДУИ.  Смета дека многуте партии ги ослабуваат Албанците.  Треба да бидеме внимателни затоа што „белата мечка“ не седи мирна, рече Ахмети пред мештаните. 

„Определбата на Албанците е Западот, а не Истокот, затоа што Албанците сакаат да живеат слободни и без граници. Албанците не треба да бидат жртва на празните зборови. На пушката и личи во војна, а на зборот во Собрание“ - рече Ахмети. 

Кажа дека партијата се залага за подобрување на квалитетот на животот на Албанците на сите полиња.

Тој зборуваше за достигнувањата на ДУИ, како што е отворањето на албанските универзитети, зголемувањето на бројот на албанските студенти на 20.000, вработувањето на повеќе од 4.000 албански војници и полицајци, факти кои говорат за имплементацијата на Охридскиот договор.

Ахмети нагласил дека договорот од Пржино треба задолжително да се почитува од страните потписнички, за да ги стабилизира државните институции, кои со кризата се доведоа на работ на колапсот.