Акциите на Епл скокнаа денес пред големиот iPhone настан

Добивај вести на Viber

Претстојниот настан на кој денес Apple ќе ги претстави официјално новите уреди, ја провоцира не само љубопитноста на фановите на брендот, но и оптимизмот на инвеститорите. Доказ за тоа е дека во пресрет на долгоочекуваната премиера акциите на компанијата пораснаа за 1,8% до 161.50 долари за време на редовната трговија во понеделникот.

Дебито на новите iPhone модели, смарт часовник Apple Watch и телевизискиот приемник Apple TV ќе се одржи во салата "Стив Џобс" во новото седиште на компанијата во Купертино, Калифорнија. Цената на акциите на крајот од тргувањето во понеделникот сепак не достигна рекордно високо ниво од 164,90 долари минатиот месец.

Влогот за Apple денес е висок, бидејќи компанијата ја слави десетгодишнината од најуспешниот производ на својот iPhone. Денеска се очекува на сцената да дебитираат три нови модели - iPhone 8, iPhone 8 Plus и Јубилејниот iPhone Х. Последниот се претпоставува дека ќе чини над 1 000 долари, бидејќи ќе дојде со OLED екран, безжично полнење и други љубопитни функции, некои од кои протекоа на интернет во денот пред објавувањето на iOS 11.

Моделите на iPhone 8 и iPhone 8 Plus се наследници на моделите 7 и 7 Plus, со впечаток дека овој пат Apple ја промаши S-варијацијата. Досега, компанијата отсекогаш ги надградувала верзиите на минатогодишните модели, означувајќи ги со буквата S, но задржувајќи ја фигурата. Поради тоа, се очекуваше дека iPhone 7S и iPhone 7S Plus ќе излезат на пазарот. Сепак, според информациите од изминатите денови, ќе бидат претставени "8" и "8 Плус".

Новиот паметен телефон на Apple е во директна битка со новиот Samsung Galaxy Note 8, кој според голем број критичари е најдобар Android телефон, излегувал досега.