Ако сонувавте за живот на море, Грците со примамлива шанса: Нудат куќа, земја и 500 евра месечно
Објавено во: Балкан 21 Јуни, 2019
Многумина од вас сигурно барем еднаш во животот сонувале за живот на море, наоколу недопрена природа и плажи на кои нема гужва.
Ако сеуште ова е ваш сон сега е лесно да го остварите.
Грција нуди навистина примамлива шанса за живот на островот од југот на Пелопонез - Антикитера каде што официјално живеат само 20 жители.
Во пакетот кој го нудат соседите доколку сакате да се преселите таму, добивате куќа, парче земја и 500 евра месечно во следните три години.
Ако се одлучите на доселување, сепак имајте ум дека тоа ќе треба да биде трајно.
-Овој остров е навистина див, но токму недопрената природа е она што го прави шармантен. Морето е кристално и совршено за бањање, а на плажите нема воопшто гужва-пишуваат медиумите од регионот, потенцирајќи дека скриените пештери, малото село во кое времето како да застанало и бујната вегетација која шири мириси на рузмарин и лаванда секако ќе ви посакаат добреојде.
Во близина е Крит од кој со траект се патува два часа .
Антикитера нема ништо слично како на Миконос, Санторини или Парос, но тоа е автентична Грција а островот има и неколку таверни и продавница.
Сепак и покрај се туристите го одбегнуваат а изгледа дека и локалното население му свртело грб а преку кампањата се бараат луѓе кои сакаат да се преселат таму и за основаат семејства.
Бидејќи самата природна убавина сепак не е доволна за ваквата иницијатива, па на дојденците им е понудена куќа, обработка на земјата и 500 евра месечно во текот на првите три години. Во понудата има дури и бесплатна храна а неопходно е како што посочивме погоре сепак трајно да се преселите.