Ако тргнувате на пат, на два гранични премини има застој
Објавено во: Македонија 23 Јули, 2022
И денеска има гужви на граничните премини Табановце и Богородица.
На Табановце за влез се чека околу еден час, додека на Богородица за излез се чека околу 30 минути, соопшти АМСМ. Сообраќајот на државните патишта се одвива непречено, по суви коловози. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
И вчера имаше застој на истите гранични премини од 30, односно 40 минути. Туристичката сезона е во полн ек и истата слика се повторува секое лето.