Ако тргнувате на пат, на граничните премини Табановце и Богородица има гужва
Објавено во: Македонија 26 Август, 2023
Има зголемена фреквенција на возила на граничниот премин Табановце каде за влез и за излез од државата, времето на чекање е околу 40 минути.
Како што соопштуваат од АМСМ, на Богородица времето на чекање за излез од државата е околу 1 час. На останатите гранични премини од македонска страна, нема подолги задржувања за влез и за излез од државата.
Интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.