„Алах Акбар“ и бомба во Брисел: Напаѓачот идентификуван
Објавено во: Свет 21 Јуни, 2017
Експлозијата на централната железничка станица која се случи синоќа во Брисел е терористички напад. Ова е мислењето на белгиското обвинителство.
Синоќа маж што носеше експлозиви, успеа да оствари мала експлозија, а станицата беше евакуирана. Во инцидентот нема повредени, со исклучок на атентаторот, кој беше застрелан од воена патрола, а подоцна починал во болницата.
Белгиските власти во оваа фаза не даваат информации за неговиот идентитет.
Според локалните медиуми и очевидци мажот, на видлива возраст од 30-35 години, ја активирал експлозивна направа поставена во куфер или појас. Тој го активирал уредот кога специјалци се обиделе да го проверат крај железничка рутина а извикал и „Алах Акбар“.
Специјалисти во областа на тероризмот коментираат дека ова е уште еден обид за „нискобуџетен“ атентат. Властите во Белгија соопштија дека го задржуваат без промена нивото на подготвеност за нов терористички напад до трета, претпоследниот степен.