Алијанса за Албанците в сабота одбира тим за преговори со власта, но прво средба со Агелер
Објавено во: Македонија 19 Јануари, 2023
Алијанса за Албанците предводена од претседателот Арбен Таравари во сабота ќе го одбере тимот кој ќе преговара за влегување во владината делегација.
За тоа, утре прво лидерот Таравари ќе има средба со амбасадорката на САД во Скопје, Анџела Агелер. На средбата, предвидена е првична консултација пред да се донесе одлуката, објави Сител во вестите.
Конечната одлука партиските одбори ќе ја донесат во сабота. Закажано е централно претседателство за таа намена и ќе се разговара за тоа кои ресори Алијанса за Албанците ќе ги побара во Владата.
Во моментов „огнената група“ во ДУИ врши притисок над тенкото парламентарно мнозинство, поради што лидерот на партијата Али Ахмети и премиерот Димитар Ковачевски веќе изјавија дека е потребна „европска коалиција“.