Амазон сепак не е најголем извор на кислород како што се мислеше?
Објавено во: Свет 30 Август, 2019
Речиси целиот кислород е од океаните, а не од Амазонија.
Тврдењето дека Амазонската прашума произведува петтина од кислородот на Земјата не е точно, пишува Нешнал џиографик.
Скоро целиот кислород на Земјата потекнува од океаните, а резервите ќе потраат со милиони години, меѓутоа, се истакнува во написот, има многу причини поради кои светот треба да биде уплашен од пожарите во Амазонија.
Скот Денинг од Универзитетот во Колорадо потсетува за весникот дека речиси целиот слободен кислород во воздухот го произведуваат растенијата преку фотосинтеза, а дека околу третина од копнената фотосинтеза се врши во прашумите, од кои Амазонија е најголема.
Секоја година произведениот кислород го трошат пожарите и живите организми – дрвјата постојано отфрлаат мртви лисја, гранки, корења и друг отпад, кои за возврат го хранат екосистемот на организмите. Со тоа најмногу се хранат бубачките и микроорганизмите, но секој чекор од процесот троши кислород.