Амбасадата на САД: Партиите и институциите да соработуваат, СЈО да работи без опструкции

Добивај вести на Viber

На Специјалната јавена обвинителка мора да и биде овозможено да спроведе целосна и независна истрага, без никакви опструкции, а државните институции и политичките партии треба да соработуваат, велат од амбасадата на Соединитетите Американски Држави во Скопје, објави „Мета“. 

Велат дека утврдувањето на одговорноста за незконското прислушување е еден од клучните чекори за излез на земјата од политичката криза.

„На СЈО мора да му биде овозможено да спроведе целосна и независна истрага без одложувања или опструкции, а владините институции и политичките партии треба да соработуваат во овие процеси. Според Договорот од Пржино, утврдувањето на одговорноста за незаконското прислушување и наводите за злоупотреби од владата се клучен чекор за ставање крај на политичката криза и за напредок кон членството во НАТО и Европската Унија“- се вели во изјавата од амбасадата.

Претходно и Делегацијата на Европската Унија во Македонија повика да не вршат опструкции на работата на СЈО. 

СЈО вчера влезе во УБК со два судски налози со кои се бара увид во документацијата и податоците од системите за следење на комуникации.

Специјалната јавна обвинителка, Катица Јанева изјави дека соработката со раководството на УБК оди „многу тешко“. Засега ги немаат добиено доказите кои им се потребни.