Апостол Симовски: Малиот број на граѓани со факултет се должи на тоа што младите се отселуваат

Добивај вести на Viber

Апостол Симовски, директорот на Државниот завод за статистика, рече дека релативно малиот број на лица над 15 години со завршено високо образование во Македонија се должи на тоа што голем број од младите се отселуваат од земјата.

Вчера ДЗС во рамки на третиот сет на резултати од пописот на населението во 2021 објави дека  263 349 лица или 17.3 % се со високо образование во структурата на граѓани постари од 15 години.

- Ние пордуцираме кадри, ама забораваме дека ова е резидентно население. Најголем дел од планот на младите е да замине. Затоа е толку мал процентот со факултети, рече Симовски./

За големиот број на резиденти со само основно училиште, со недовршено основно образование и неписмени, тој вели дека голем број на граѓани се уште го учат средното.

23 192 лица или 1.5  отсто од жителите се без образование, 62 129 лица се со незавршено основно образование, а 423 456 лица се само со основно образование.

- Табелатат е за лица од над 15 години. Ума многу кои уште не го завршиле средното образование, тие се во процес. Треба да се земат овие елементи во предвид кога се анализираат податоците.

Ние во Скопје гледаме многу мал тесен круг, но ако погледнеме пошироко, а не зборувам само за руралните средини, ќе видиме дека имаме многу повозрасни групи, кои немале големо образование , но се живи и здрави, истакна Симовски.

За бројката од 18 897 неписмени, тој вели дека станува збор за многу старо население.

- Имаме старо население кое е голем дел од популацијата а таму има многу што не го завршиле основното училиште, додаде Симовски.