Арсовска Томовска: Нема вработување на „државно“ додека не се формира нова влада
Објавено во: Македонија 18 Февруари, 2017
Министерката за администрација и информатичко општество Марта Арсовска Томовска уверува дека од периодот на распишување на избори па се до денес не се објавуваат огласи за неопредлено време на вработување во државните и јавните установи.
Министерката за администрација и информатичко општество Марта Арсовска Томовска уверува дека од периодот на распишување на избори па се до денес не се објавуваат огласи за неопредлено време на вработување во државните и јавните установи.
- Постои законска одредба, до формирање нова влада да нема нови вработувања, освен во ситуации кога се работи за итни и неодложни активности при што е потребно институцијата да обезбеди потврда дека навистина се работи за такво нешто од страна на Државната комисија за спречување корупција, рече министерката, одговорајќи на новинарски прашања пред обраќањето на Глобалниот самит на жени лидери 2017.
Според министерката, јавни огласи за редовни вработувања на неопределно време нема уште од денот на распишувања на изборите, а во овој меѓу период, имало ангажирања само на сезонски работици во ЈП Македонски шуми и Македонија пат.
– Многу малку вработувања имаше во текот на минатата година, а сега, и во овој период, ќе видиме како ќе биде со изборите. Додека не се формира влада, не ќе може да се објавуваат огласи, потенцира Арсовска Томовска.
Извештајот за вработувањата во 2016 година, рече, ќе биде објавен во текот на следните 15-на дена. – Имаме законска обврска до 31 март да го објавиме Извештајот, но во фаза е на подготовка. Ќе видите точни податоци, каде, колку, зошто,…се реализирани вработувања, истакна Арсовска Томовска.