„АстраЗенека“ призна дека нејзината вакцина против Ковид-19 може да предизвика несакани ефекти
Објавено во: Свет 30 Април, 2024
Фармацевтската компанија AstraZeneca во судски документ призна дека нејзината вакцина против Ковид-19 може да предизвика ретки несакани ефекти, вклучувајќи згрутчување на крвта и низок број на црвени крвни зрнца.
Во Велика Британија е покрената колективна тужба против „AstraZeneca“, во која се тврди дека употребата на вакцината CoviShield довела до смрт и сериозна штета, а се бара и до 100 милиони фунти отштета за 50 жртви, објави „Индипендент“.
Една од тужителите тврди дека вакцината предизвикала трајно оштетување на мозокот и дека згрутчувањето ја оставило неспособна да работи, пренесува „“
CoviShield е развиен од британско-шведската компанија „AstraZeneka“ во соработка со Универзитетот во Оксфорд и Велика Британија, а го произведува индиската компанија Serum Institute of India, еден од најголемите производители на лекови во светот.
Вакцината се користи во повеќе од 150 земји, вклучувајќи ги Велика Британија и Индија.
Некои истражувања спроведени за време на пандемијата покажаа дека вакцината е 60 до 80 проценти ефикасна во заштитата од новиот коронавирус. Сепак, истражувањата покажаа дека вакцината CoviShield може да предизвика згрутчување на крвта кај некои луѓе, што може да биде опасно по живот.
AstraZeneca admits its Covid vaccine causes rare side effect in astonishing U-turn https://t.co/HLlgbbm7mV
— GB News (@GBNEWS) April 30, 2024
Иако „AstraZeneca“ секогаш ги оспоруваше овие тврдења, во еден од судските документи за прв пат призна дека вакцината „во многу ретки случаи може да предизвика ТТС“, или синдром на тромбоцитопенија, кој се карактеризира со згрутчување на крвта и низок број на тромбоцити кај луѓето.
И Светската здравствена организација потврди дека CoviShield може да предизвика несакани ефекти опасни по живот.